Ascensoristes S.A., novela ganadora del XVIII Premiu «María Josefa Canellada», presenta una trama alredor d’unos imprevistos viaxes temporales adaptaos a la realidá adolescente, y foi reconocida pol xuráu, que destacó nella «la fluidez y dinamismu d’una obra que retoma la idea de los viaxes nel tiempu filándola con referencies culturales a la historia d’Asturies». Per ella desfilen Xovellanos, los descubridores d’El Pozu’l Ramu, el Padre Galo, Dolores Medio y hasta Antonio Ferrandis.
Nestes hestories apaecen dellos personaxes reales pero les situaciones que viven nun lo son, anque puea haber dalgunes que tengan dalgo de semeyanza colo que quiciabes sí pasó. Viaxar nel tiempu ye dalgo colo que la xente siempre suañó: poder asitiase en momentos hestóricos, en momentos personales nos que poder cambiar les coses. Y cambiar les coses pue ser peligroso, eso dicen nes películes. Pero, ¿quién te diz que si pudieres tar n’otra dómina, n’otru espaciu, les coses nun cambiaríen?
Na villa toos tienen secretos y les traxedies queden atapecíes pol pasu del tiempu ente la niebla, sacantes nes families de les víctimes. Foi ellí onde Elena coló a vivir pa tentar de fuxir del so pasáu. Lo que nun ye a albidrar ye que la masacre cola que va bregar ye entá peor y va trestocar la so vida otra vegada. Ella, xunto col restu de xente implicao, van tener qu’abrir la mente y dexar a un llau lo racional pa entender lo que ta pasando, porque na villa lleven años pasando coses rares.
Una nueche sientes na tabierna del pueblu la conversación de trés foriatos que falen d’un gran tesoru, una desconocida ayalga escondida nes ruines del castiellu ruinosu que se llevanta nel corazón de la viesca. Decides ser tú quien vaiga en cata d’ello.
Pero ensiguida vas ver que nun ye cosa fácil, porque tantu nel castiellu como na viesca que medra alredor d’él vas atopar docenes de seres fantásticos que, nunos casos, van ayudate nel to propósitu, mientres que n’otros van facer tolo posible por nun dexate algamar el tesoru.
Nun te va quedar otro qu’usar les tos habilidaes pa salvar los peligros qu’alcuentres, y tirar d’intuición y bon xuiciu pa estremar amigos d’enemigos y tomar asina les meyores decisiones.
Si escuyes bien, el tesoru será toyu. ¡Pero cuidáu! Como escueyas mal, les consecuencies puen ser terribles…
